Eldhúsraunir

Eins og eflaust einhverjir vita er íbúðarfélagi minn kínverskur að uppruna en hefur búið hér í Englandi frá sex ára aldri. Líkt og öllum alvöru kínverjum sæmir sýður hann hrísgrjón og á til þess verks forláta hrísgrjónasuðumaskínu sem hann sýndi mér einu sinni hvernig á að nota. Þar sem ég ákvað að elda mér tælenskan mat í kvöld, þar sem að hrísgrjón voru meðlætið, ákvað ég að notast við maskínuna í stað þess að sjóða grjónin í potti sem getur verið algjör kvöl pína.

Þegar ég ætlaði að kveikja á vélinni kom hins vegar babb í bátinn. Allar merkingar á henni eru að sjálfsögðu á kínversku (sem ég les nb. ekki) og þar sem íbúðarfélaginn fór til Kína í gær þurfti ég að treysta á lukkuna í vali á stillingu. Lukkan brást mér hins vegar í þetta skiptið, og í staðinn fyrir að velsoðin hrísgrjónin væru tilbúin eftir korter tók á móti mér ylvolgt vatn með ósoðnum hrísgrjónum, ég hafði s.s. valið stillinguna sem heldur grjónunum heitum eftir suðu. Það liggur við að ég tússi á maskínuna leiðbeiningar á íslensku svo þetta hendi mig ekki aftur...

Opal í Oxford

Í gær var svokallað "Bring your own" kvöld í nemendafélaginu í college-inu mínu. Sem sönnum þjóðræknum Íslendingi sæmir tók ég að sjálfsögðu með 1/2 l af Opal og beið spenntur eftir því hvernig það mundi falla í kramið. Það kom skemmtilega á óvart að mörgum fannst Opalið ansi hressandi en þó leyndust nokkrir svartir sauðir inni á milli sem gátu ekki klárað það sem þeim var skenkt í glösin.

Tóku þá við hinar ýmsu tilraunir með að búa til áfengisblöndur með Opali. Eftirfarandi var prófað og dæmt:
1. Opal + rauðvín. Hryllingur
2. Opal + tonik. Skömminni skárra, en samt ekkert sem maður á eftir að panta sér á bar í Rvk.
3. Opal + Amaretto. Ótrúlegt en satt þá reyndist þetta vel drykkjarhæft og klárlega blanda kvöldsins. Fyrir þá hugrökku er því ekki úr vegi að fara á barinn í Reykjavík, vera svolítið frumleg(ur) og panta þennan drykk. Ég tek þó enga ábyrgð á því að þetta komi til með að bragðast vel, hugsanlega voru bragðlaukarnir enn í sjokki eftir Opal + rauðvíns blönduna...

Þá er þeirri spurningu svarað

Smjörsteikt beikon er jafnsyndsamlega gott og það hljómar...

Búðarferð

Þeir sem hafa farið í matvöruverslun í Englandi hafa eflaust tekið eftir því að búðirnar eru mjög gjarnar á að lokka viðskiptavini með "Two for one", "Three for two" og fleiri tilboðum. Þetta nýtti ég mér til fullnustu áðan, eftir ferð mína áðan í Sainsbury's áðan bætti ég við í matarbúrið tveimur kippum af bjór (2 kippur á sex pund í stað einnar á 4.5 pund) og stórum pakka af lúxusbeikoni á hálfvirði. Verslunarferðir geta varla verið meira macho...

Spurningin

"Hver á þennan sumarbústað? Nei eða já?" þýðist ágætlega yfir á ensku en skilst samt almennt ekki hér í Oxford. Þessu hef ég komist að eftir ítarlegar vísindalegar rannsóknir.

Fjölþjóðleiki

Það er hreint ótrúlegt hvernig allra þjóða kvikindi safnast hér saman í heimsfrægum háskóla. Áðan var enskur íbúðarfélagi minn, fæddur í Kína en alinn hér upp síðustu 17 árin að hlusta á moldavískt popplag sem fyrst varð frægt í Króatíu fyrir fjórum árum. Og enn eina ferðina setti íslenkur námsmaður neðri mörk á hversu slæmur tyrkneskur kebab gæti orðið.

Það er margt öfugsnúið í Englandi

Jafnvel lögreglubílarnir aka á vitlausum vegarhelmingi...

When in Rome...

... do as the Romans do líkt og Konfúsíus mælti.

Af því tilefni vaknaði ég snemma í morgun og fór á kynningu á róðraliðinu hérna í Lincoln (sem er college-ið mitt). Veðrið var nánast of gott, 20°C og heiðskírt svo mér finnst líklegt að ég hafi fengið alltof mikla glansmynd af íþróttinni, í dag var þetta hins vegar býsna gaman og ég get krossað þetta atriði af listanum yfir það sem nauðsynlegt er að gera í Oxford. Í Lincoln eru nokkur róðralið sem taka róðurinn misalvarlega (serious,semi-serious og joke), það eru góðar líkur á því að ég kanni hlutina allavega betur með joke liðið, hin liðin vakna hins vegar kl. hálfsex á morgnana tvisvar í viku og fara að róa sem ég efast um að sé heillandi í enska vetrarkuldanum. Það er hins vegar lítið m.v. lið háskólans sjálfs (The Blues), þeir æfa alla virka morgna og eftir hádegi alla virka daga að auki. En á móti kemur að þeir eru án efa kóngarnir hérna í vikunni fyrir keppnina við Cambridge...

Kostur þess að vera við nám í Englandi

Ég efast um að mörgum lesendum hafi verið þjónað til borðs af ekta butler í gær eins og ég upplifði...

From the man of many countries

Now, I hope you will not misunderstand me but this is my meaning. I am a man of many countries and a man of lot of kebabs. Never have I gotten a better Kebab then in Copenhagen, thus, Copenhagen must be the kebab capital of western Europe. Oxford kebabs are not really that good, in fact. that is the most major drawback of Oxford. How are you going to put it into the monster when you can't have a decent kebab?

Á ég að bera ábyrgð á því?

Kreppumatur

Til að hressa sig við þegar pirringurinn yfir gengi krónunnar er sem mestur er ekkert annað í stöðunni en að kýla vömbina á karlmannlegan hátt. Því er núna í ísskápnum eitt kíló af dönskum svínakótelettum, kartöflur og bjór sem bíða þess að vera torgað í kvöld. Þar eð ég er ekki búinn að koma myndavélinni í gagnið mun ég því miður ekki ná myndum af herlegheitunum, hins vegar býst ég við að elda þetta oft á næstunni og lesendur geta því beðið spenntir.

Æfintýri fyrstu dagana

Það er verst að ég var ekki í aðstöðu til að stofna þetta blogg fyrsta kvöldið sem ég var hér í Oxford, það má með góðri samvisku segja að ævintýrin hafi byrjað þá.

Það sem ég hefði viljað minnast á í færslu fyrsta kvöldið:

* Um leið og maður stígur út úr rútunni frá Heathrow fær maður góða tilfinningu fyrir þessum stað.

* Ólíkt Danmörku eru ekki til Kebabbúllur hérna, einungis Kebab-bílar. Nýr vinur minn, Hassan að nafni, rekur einmitt slíkan bíl og hjá honum hef ég keypt síðustu daga Kebab og Jacked Potato með osti (when in Rome...)

* Áður en ég fór að heiman frá Íslandi voru miklar pælingar í gangi hjá mér og unnustunni Sigrúnu um hvort að ég skyldi taka með mér rúmföt. Blessunarlega gerði ég það ekki þar sem hvorki var til staðar sæng né koddi þegar ég kom inn í herbergið mitt í fyrradag. Síðustu tvær nætur hef ég því sofið í flíspeysu með kodda úr stuttermabolum, blessunarlega gat ég þó keypt mér sæng og kodda í dag.

Ég læt hér staðar numið, nánari fregnir á allra næstunni.

Oxford

baby YEAH!